بو سوزو هرکیشی بیان ائیله ییر
هاردا دیر اوولکی کیشی لیک اللاه
ایندی کیشی لر ده یالان سویله ییر
هاردا دیر اوولکی کیشی لیک اللاه

کیشیلیک ساتیلیر بو گون ماناتا
داها سوزوم یوخدور فانی حیاتا
کیشی وار چئوریلیب قیزا اروادا
هاردا دیر اوولکی کیشی لیک اللاه

کیشی وار کیشی تک صحبتی یوخدور
ائل اوبا ایچین ده حرمتی یوخدور
کیشی وار ناموسو غیرتی یوخدور
هاردا دیر اوولکی کیشی لیک اللاه

بو دونیا چوخونو بورانا سالیر
اخیردا اینسانا کیشی لیک قالیر
کیشی وار قادین تک قاشینی الیر
هاردا دیر اوولکی کیشی لیک اللاه

کسگینین یالانلا ایشی اولماییب
نه ائتسه نردینده شئشی اولماییب
هر پاپاغی اولان کیشی اولماییب
هاردا دیر اوولکی کیشی لیک اللاه

شاعر :کامبیز بیک زاده

کورلانیب زمانه خار اولوب دووران
قانمایان قانماییر قانان نئینه سین
اچیلمیر بختیمین الوان گول لری
طالع اوزه گولمور زامان نئینه سین

اینسان تز ییخیلار تپری یوخسا
ایگید مغلوب اولار سیپری یوخسا
موسیقی علمیندن خبری یوخسا
چالان چالا بیلمیر کامان نئینه سین

دردلر گونو گوندن ارتیر ازالمیر
جوشوب اشیب داشیر اورکده قالمیر
دوزو ائیری لردن اییرماق اولمور
حقیقت بیلینمیر گومان نئینه سین

نادانا ها سوز دئه هئچ نه انلاماز
قانمازی شاه ائتسن اد الار قانماز
پیسلیک له یاخشیلیق قوشا دایانماز
یاخشینین قدری یوخ یامان نئینه سین

کسگین همیشه دوزونو دئییب
اوره یینده اولان سوزونو دئییب
ناکسین گتدیی ایزینی دئییب
پنجه دوز گتمیرسه دابان نئینه سین

شاعر :کامبیز بیک زاده

از قلم تا جاودانگی… با شما!
انتشارات حوزه مشق با عشق به کتاب و باور به استعدادهای این مرز و بوم فعالیت می‌کند. ما به جای ساختن کتاب‌های سطحی، به خلق آثار ماندگار و حمایت از نویسندگان و شاعران عزیزمان افتخار می‌کنیم. هر نقدی که از روی خیرخواهی و سازندگی باشد، گوش جان می‌سپاریم؛و با قدرت به مسیرمان ادامه می‌دهیم.

خدمات ما شامل چاپ کتاب‌های شعر، داستان، رمان، دلنوشته، کتاب کودک، ترجمه و تبدیل پایان‌نامه به کتاب است.

انتشارات حوزه مشق؛ جایی برای رویش، قلم و جاودانگی.

09393353009

09191570936

#چاپ_داستان #چاپ_شعر #چاپ_رمان #داستان #شعر #رمان #شاعر #نویسنده #چاپ_کتاب #فردین_احمدی #حوزه_مشق #انتشارات_حوزه_مشق #نویسنده #محقق #پژوهشگر #مترجم #ایران #قلم #کتاب #ادبیات #فرهنگ #هنر