مدح و شهادت حضرت علی اکبر علیه السلام

جهانِ خلقته گوهردی اکبر
پیمبر نسلینه زیوردی اکبر
حسین تک دلبره دلبردی اکبر
علی ابن الحسین اکبردی اکبر
@seyedizanjani
یازیم بیر شمّه شأنین عاشقانه
قلم مدح اِتمَگه تاپدی بهانه
عزیز فاطمه زینت جهانه
پیمبردن اودور کامل نشانه
ولایت درسینه شهزاده ازبر
علی ابن الحسین اکبردی اکبر
@seyedizanjani
نجه اکبر جمالی مصطفادی
نجه اکبر کلامی مرتضادی
نجه اکبر ادبده کیمیادی
اوجا قامت گوزلدی باصفادی
شجاعتده آقام عباسه بنزر
علی ابن الحسین اکبردی اکبر
@seyedizanjani
نجه اکبر اوزی دریای منسب
اونون شأنینده تاریخی بو مطلب
نظیری یوخ ادبده چوخ مؤدب
اونون درسین وئروب غیرتلی زینب
دوشوبدور دللره الله اکبر
علی ابن الحسین اکبردی اکبر
@seyedizanjani
کیم ایندی عشقینه دنیاده مستی
یقین مست مِی جام الستی
مبادا سن ائدن اکبر پرستی
حَقی ناشاد ائدن دنیاده پستی
جمالی دلربا سمیاسی انور
علی ابن الحسین اکبردی اکبر
@seyedizanjani
اگر چه یوسفی زیبا تانوللار
گوزلیقدا اونی حورا تانوللار
عزیز مصریدی باجا تانوللار
نظیری یوخدی بی همتا تانوللار
اولار بیلموله یوسفده مکرر
علی ابن الحسین اکبردی اکبر
@seyedizanjani
دوز عاشق عشقینی دنیایه ساتماز
اولار مست ولا باشیندن آتماز
باشین ابرو کمان قاشیله قاتماز
گوزلیقدا بونا یوسفده چاتماز
کَسَر بارماقلارین یوسف وئرر سر
علی ابن الحسین اکبردی اکبر
@seyedizanjani
گورک قربان کَسَن نازلی بالایه
دئین احسن خانم لیلا آنایه
بودور ضرب و مثل کیم اولسا پایه
چِکَر غیرتلی اوغلانلار آتایه
جهاندا ثبت اولوب شِبه پیمبر
علی ابن الحسین اکبردی اکبر
@seyedizanjani
جمالِ احمدی مه طلعتیندن
شاخاردی گون کیمی گُل صورتیندن
دوشنده سوز گوزللق صحبتیندن
دوشردی گُلسِتانلار قیمتیندن
بو بیته مدرکیم ابیات دیگر
علی ابن الحسین اکبردی اکبر
@seyedizanjani
حسین هردم که حالی مضطریدی
علی اکبر اونا پیغمبریدی
بو سوزدن ساده گئچمه منبریدی
شهادت وقتیده اکبر سریدی
ازل بحر بلاده همچو حیدر
علی ابن الحسین اکبردی اکبر
@seyedizanjani
صف مژگانه شبنم گوز یاش اولدی
اونا سجاد و اصغر قارداش اولدی
علمداریله قاسم، یولداش اولدی
ادبده هامّودان اکبر باش اولدی
بو سوز تاریخیده مکتوب دفتر
علی ابن الحسین اکبردی اکبر
@seyedizanjani
او گون که کربلاده جنگ اولوبدی
حسینه دارِ دنیا تنگ اولوبدی
جهانه حکم ائدن نیرنگ اولوبدی
یزیدِ پستِ بی فرهنگ اولوبدی
بو اثناده حسینه کیمدی یاور؟
علی ابن الحسین اکبردی اکبر
@seyedizanjani
او دمده وئردی اکبر حق سلامی
ائدوب مستِ ولا یالقوز امامی
سر آغاز سخن اکبر پیامی
حسینون باشلانوب قانلی قیامی
گوروبدور عرصه ده قوم ستمگر
علی ابن الحسین اکبردی اکبر
@seyedizanjani
علی میداندا طوفان سالدی طوفان
وئروبدی بَکری سالدی فوراً آتدان
چَکوبدور یاحسین تیتروبدی میدان
اُلوبدی کافری آت قالدی ویلان
بئلوبلر جنگ ائدن ماهردی افسر
علی ابن الحسین اکبردی اکبر
@seyedizanjani
بلی دشمن داغیلدی نینواده
یقشدی باهم اولدی کربلاده
علینی وئردیلار قال و بلاده
یخلدی پیکری قالدی اراده
داغیلدی پیکری گُل مثلی پرپر
علی ابن الحسین اکبردی اکبر
@seyedizanjani
قرا زُلفون نظامین اوخ حوروبدی
اونی دشمن حسینه چوخ گوروبدی
حسینی داغ اکبر اُلدوروبدی
داغیلمیش پیکرین دللندیروبدی
دئیوب الله داغیلمیش یرده پیکر
علی ابن الحسین اکبردی اکبر؟
@seyedizanjani
الا ای «سیدی» گَل سن نوایه
او چولده چالدی ال دشمن آقایه
علی اکبر دوشوب باشی بلایه
یقوبلار پیکرین بیربیر عبایه
سوروشدی پیکری بانوی محشر
علی ابن الحسین اکبردی اکبر؟

کانال رسمی سیدی زنجانی
سیدباقر سادات پور
۰۹۹۰۱۴۱۳۸۶۲
@seyedizanjani

از قلم تا جاودانگی… با شما!
انتشارات حوزه مشق با عشق به کتاب و باور به استعدادهای این مرز و بوم فعالیت می‌کند. ما به جای ساختن کتاب‌های سطحی، به خلق آثار ماندگار و حمایت از نویسندگان و شاعران عزیزمان افتخار می‌کنیم. هر نقدی که از روی خیرخواهی و سازندگی باشد، گوش جان می‌سپاریم؛و با قدرت به مسیرمان ادامه می‌دهیم.

خدمات ما شامل چاپ کتاب‌های شعر، داستان، رمان، دلنوشته، کتاب کودک، ترجمه و تبدیل پایان‌نامه به کتاب است.

انتشارات حوزه مشق؛ جایی برای رویش، قلم و جاودانگی.

صفحه اصلی

#چاپ_داستان #چاپ_شعر #چاپ_رمان #داستان #شعر #رمان #شاعر #نویسنده #چاپ_کتاب #فردین_احمدی #حوزه_مشق #انتشارات_حوزه_مشق #نویسنده #محقق #پژوهشگر #مترجم #ایران #قلم #کتاب #ادبیات #فرهنگ #هنر