مدح و شهادت حضرت زهرا سلام الله

شاعر: سید باقر سادات پور

ای شرف انبیا فاطمه یافاطمه
جوهر عرض و سما فاطمه یافاطمه

عشق ائلدیم آدیوه ایندی آچام بیر علم
نظمه چکم مدحیوی سویلویم ای جان ننم
عطریلی گلشن اولار هر یئره قویسان قدم‌
تک بیزه یوخ عالمه گویچگ آدوندور حرم
محور آل عبا فاطمه یافاطمه

واردی یقینیم اگر راضی ائده کیم ربی
حاکم اولار یئر،گویه صادر اولار مکتبی
حفظ ائلدون سن خانم رأفتیله مذهبی
ای بشره فخر ائدن بیر نخ چادر شبی
گوهر کنز حیا فاطمه یافاطمه

ایندی بشر فکریوه سالماگیلان سن نقاب
سیر سماء اِتماقا رمزدی کشف حجاب
هرنه گلور فکریوه ایله سوال آل جواب
روز جزا هر ایشه واردی حساب و کتاب
غم گونی مشکل گشا فاطمه یافاطمه

کیم ره عزّت گزور اِیلَمسون دای عناد
کلِّ جهان فانیدی قالمیوب عمری زیاد
یاخشی یامان قورتارار باخ گلجاخدور معاد
دهرِ فنا ایله سن بیر نفره اعتماد
سسله بشر تاپ بقا فاطمه یافاطمه

یئر یوزونه باخما،کیم حاکم اولوبدور امیر
روز جزا اللرون هامّو آچار چون فقیر
فاطمه محشر گونی محشر ائدر بی نظیر
شیعیه اول دم خانم حامی اولار بیربه بیر
شافع روز جزا فاطمه یافاطمه

فاطمیه، شیعه اول، هر سوزونه باور ائت
چلّه دوتوب آدینه عارف اولوب محشر ائت
فاطمه نون آدینی زیور هر دفتر ائت
راضی اوزوندن، خدا،احمدیله، حیدر ائت
گوی سنه ائتسون دعا فاطمه یافاطمه

کیم خانمی اینجیدوب دهریده رنجور اولار
صدقیله هرکیم دئسه فاطمه، مسرور اولار
ئولسه قیامت گونی حیدری محشور اولار
ذکرینه مأنوس اولان قبریده معجور اولار
ایلییَجکدور عطا فاطمه یافاطمه

فاطمه بیر کلمه دی معجزه سی دم به دم
فاطمه دندور سنون هرنه وارون بیش و کم
حجّتِ، معصومیدی جایگه ی محترم
گردِ رهی دُر توکر فاطمه آتسا قدم
سسله آدون بینوا فاطمه یافاطمه

کُلِّ جهاندان هدف فاطمه مقصودیدی
فاطمه یعنی علی احمدِ محمودیدی
کیم چاغیرا حیدری فاطمه خشنودیدی
منکر حیدر دلِ فاطمه مردودیدی
پاسخ مین لر چرا فاطمه یافاطمه

سانما جهاندا علی گون کیمی تکرار اولا
یئر ندی گویلرده ده شأنینه آثار اولا
شیر خدا تک بیری همسره دلدار اولا
جان علی ایستَمز قسمتی مسمار اولا
باشیمه گلدی هوا فاطمه یافاطمه

ایستدی زهرا وئره اُمّته درس وفا
یعنی امامه گورک هامّی اولا جان فدا
قدر ولی گر سینا نازل اولار مین بلا
شأن علینی اوگون خُرد ائلدی اشقیا
قالدی اورکده یارا فاطمه یافاطمه

وحی ائوینون درگهون اوتدادی قوم پلید
میخ دره توش اولوب محسنی اولدی شهید
قانی یاخیدی یئره اولدی ولی رو سفید
گورنه گَلر سینه یه اوتدا یانا بیر حدید
یاندی اورک از قضا فاطمه یافاطمه

دوزدی یخلدی یئره فاطمه القان وئروب
جان امام حفظ اولا محسنی قربان وئروب
واردی یقینیم او دم شیر خدا جان وئروب
خلعت آلوب قاتلی شهریده جولان وئروب
ئولدی اودم مرتضا فاطمه یافاطمه

هرکیشینی ئولدورر سینسا اگر غیرتی
شیرخدا بوینونا شالی سالوب امّتی
اللرینی باغلادی خُرد اولا شخصیّتی
صبر ائلدی مرتضی هامّو بیلور علّتی
صبره اولوبدور رضا فاطمه یافاطمه

«سیدی» قسمت نئدی بیر بِئله بلوایه باخ
چکدی علینی عدو مسجده دعوایه باخ
قان آپاروب یئرده دی یارلی زهرایه باخ
سسلدی امّا خانم قامت مولایه باخ
گور نجه اولموش دوتا فاطمه یافاطمه

از قلم تا جاودانگی… با شما!
انتشارات حوزه مشق با عشق به کتاب و باور به استعدادهای این مرز و بوم فعالیت می‌کند. ما به جای ساختن کتاب‌های سطحی، به خلق آثار ماندگار و حمایت از نویسندگان و شاعران عزیزمان افتخار می‌کنیم. هر نقدی که از روی خیرخواهی و سازندگی باشد، گوش جان می‌سپاریم؛و با قدرت به مسیرمان ادامه می‌دهیم.

خدمات ما شامل چاپ کتاب‌های شعر، داستان، رمان، دلنوشته، کتاب کودک، ترجمه و تبدیل پایان‌نامه به کتاب است. شما هم اگر رویایی در سر دارید، با ما در تماس باشید:

📞 09191570936
📞 09393353009

انتشارات حوزه مشق؛ جایی برای رویش، قلم و جاودانگی.

https://hozeyemashgh.ir

#چاپ_داستان #چاپ_شعر #چاپ_رمان #داستان #شعر #رمان #شاعر #نویسنده #چاپ_کتاب #فردین_احمدی #حوزه_مشق #انتشارات_حوزه_مشق #نویسنده #محقق #پژوهشگر #مترجم #ایران #قلم #کتاب #ادبیات #فرهنگ #هنر