مدح و شهادت حضرت فاطمه زهرا سلام الله علیها

شاعر: سید باقر سادات پور

بو کون مکان هرآن قربان سنه یازهرا
چون کون و مکان قالموش حیران سنه یازهرا
🦋🦋🦋
بی حدّی سنون شأنون یوخ واژه یازام معنا
میزان عمل سنسن دنیاده خانم تنها
آدینله تاپور شوکت هم مریم و هم سارا
بیر سوز یازیرام ایله عشقیله خانم امضا

خادمدی ایکی عالم نسوان سنه یازهرا
🦋🦋

سن نور دو چشمان پیغمبر حق خاتم
سن کفوِّ علی شاهِ مردانِ ایکی عالم
سن مادر ساداتِ نسل بشر آدم
سائلدی سنه شاهلار گلمز حسابا حاتم

جِبریلِ امین اولموش دربان سنه یازهرا
🦋🦋
هم رحم خدا سنده هم خشم خدا سنده
اوزگه قاپونی چالمام چون رمز بقا سنده
هم درده دوا سنده هم درده شِفا سنده
اسناد گذرگاه اول یوم جزا سنده

خلقتده اولوب احیا رضوان سنه یازهرا
🦋🦋
سنسیز ره تقوانی کیم گِئتسه تاپار خسران
منکر سنه کیم اولسا آلماز سندِ رضوان
باطلدی اونا خدمت تفسیر ائله ساق قرآن
الله سنه عاشقدی ، آیات حَقَه برهان

شأنونده یازوب سوره سبحان سنه یازهرا
🦋🦋
الله ائلدی نازل قرآنه نبی حامل
همراه نبی اولدی هرکیم او سوزه عامل
قرآنه اولان عامل انساندی بلی کامل
بو سوز سندِ حَقدی اولماز هامویا شامل

چوخ ساده دئیوم نازل، قرآن سنه یازهرا
🦋🦋
قرآن هاموسی سن¬سن قرآن اولونا معنا
هم فاطر و هم کوثر انسان و علق طاها
هم نور و قمر، قاف و هم صاد و نساء الاعلی
تک تک سوزون ای بانو لازمدی اولا اجرا

محتاجیدی بو عالم الان سنه یازهرا
🦋🦋
کیم بیلدی سنون قدرین تاپدی اوجا بیر شوکت
کور ایلدی چوخلارین سیم و زریلن قدرت
بیلمولّه سنه خاطر بو عالم اولوب خلقت
قارداشدی سنه هرکیم صدقیله ائدور خدمت

گویا ائله قارداشدی سلمان سنه یازهرا
🦋🦋
من نوکر درگاهم، عاشق دلینه ازبر
نوکرده اولانمام من نوکردی داخی بوذر
نوکرلره من نوکر قوی طعنه ویرا کافر
سن جان نبی جانسان باخ جان علی مادر

عشق اهلی دئیر جان،جان جان جان سنه یازهرا
🦋🦋
روشن ره تقوانی کیم گئتسه اله ایلر
سن بنده ی حق، حقسن، حق، حقّی گواه ایلر
سن ماه تر از ماهن خدمت سنه ماه ایلر
گل شیعه گدالق ائت دوز گَل سنی شاه ایلر

بو عشقیمیزی وئردوق احسان سنه یازهرا
🦋🦋
ایندی نه دئیوم عاشق بیر بیله صفا ائتدون
تحسین ائلدون عشقی بو صوتی رها ائتدون
من عرض ائلدیم زهرا سن شور و نوا ائتدون
شبنم کیمی گوز یاشی بو یرده رها ائتدون

آغلار گوزوموز اولدی مرجان سنه یازهرا
🦋🦋
هر یرده آدون گلسه بانو اوزون اول بانی
گوز یاشی ندور، ایسته، بذل ایلییروک جانی
من باشلییرام روضه سن آغلا دئیوم آنی
آز سینّیده سن گوردون بیر محنت طولانی

دنیا نه دئیوم اولدی زندان سنه یازهرا
🦋🦋
اول دم که فنا دنیا لطفون سیزه دای کسدی
صرصر یلی گلزار طاهایه یامان اَسدی
قان آغلادی دنیاده افواج ملک،هستی
سن آغلادون همسایه، ابراز ائلدی بستی

گوز یاشیوه رشک ائتدی باران سنه یازهرا
🦋🦋
بیر خانه¬ی غم قوردون سسلندون اوجا بابا
اود ویردی قاپو یاندی چوخ گوردی اونی اعدا
سقط اولدی او دم محسن یر، گویده دوشوب بلوا
مسمار یاروب قلبون حیدر دئدی واویلا

رحم ایلمدی ناکس عدوان سنه یازهرا
🦋🦋
زهرا یخیلان وقته غرق اولدی غمه عترت
الله دل مولایه اود دوشدی یانوب حضرت
زهرانی ویران ناکس دنیاده آلوب خلعت
بو ایش دل مولایه ضربتدی آغیر ضربت

هجرینده علی اولدی گریان سنه یازهرا
🦋🦋
دفن ائتدی علی الله تنها گُل طاهانی
تا صبح آچیلا چیخدی بیر یول باشا قرآنی
بیرکس یوخودی گورسون سالموشدی نه طوفانی
قلبیمده دوشوب یازدیم واضحدی بو عنوانی

بو سینّیده هچ گلمور هجران سنه یازهرا
🦋🦋
حیدر بئله سینموشدی قان آغلادوب آفاقی
گویا قوجادوب یوز ایل زهرانون آغیر داغی
بیلمم او گئجه حیدر توکدی نئجه تُپراقی
ای«سیدی» دای قورتار یاندیرما سن عشّاقی

چوخ دوزلو دوشوب یازدون عنوان، سنه یازهرا
🦋🦋

دوبیتی

ای دردینه دنیاده درمان تاپولمویان ننه
گِئت محسنه قوناق ای مهربان ننه
سنسیز چراخ منزلیمیز سُوندی بیر عُمور
سنسیز عجبدی قالدی بابام ای جوان ننه