گوزل گوزلرینه قوربان اولدوغوم
من سنی یوخودا گورمیه گلدیم
اوتوراق دیز دیزه دردلشک یئنه
دردلریمی سنینله بولمیه گلدیم
من سنی یوخومدا گورمیه گلدیم

فلک ضربه ووردو نئجه بیلمدیم
سیندی قول قانادیم اوچا بیلمدیم
ظالیملارین الیندن قاچا بیلمدیم
ناکام سئوگیمیزی سورمایا گلدیم
من سنی یوخودا گورمیه گلدیم

سنسیز قیشا دوندو باهاریم یازیم
قیریلیب میضرابیم دینله نمیر سازیم
سویوقدان تیتره ییر سسیم اوازیم
سئودانین اتشین ده یانمایا گلدیم
من سنی یوخودا گورمیه گلدیم

یاندیریب باغریمی داغ قدر یوکو
توکون مزاریمین اوستونه کوزو
سولوب گونشنیمین شیدا بولبولو
دردیندن سارالیب سولمایا گلدیم
من سنی یوخودا گورمیه گلدیم

اویاندیم قاپینی اچدیم او گئجه
گلرسن یانیما دییه بلکه گیزلیجه
خیال تک اونومدن کچدین سن نجه
ای گوزلری گویچک قامتی اینجه
گوزونده گوزومو گورمیه گلدیم
من سنی یوخودا گورمیه گلدیم

قولاغیم سسده دیر گوزوم انتظار
حسرتین قلبیمده سیزلاییر زار زار
تار و مار ائیله میش سویوق روزگار
پریشان تئللرینی هورمیه گلدیم
من سنی یوخودا گورمیه گلدیم

کامبیز بیک زاده (کسگین)

از قلم تا جاودانگی… با شما!
انتشارات حوزه مشق با عشق به کتاب و باور به استعدادهای این مرز و بوم فعالیت می‌کند. ما به جای ساختن کتاب‌های سطحی، به خلق آثار ماندگار و حمایت از نویسندگان و شاعران عزیزمان افتخار می‌کنیم. هر نقدی که از روی خیرخواهی و سازندگی باشد، گوش جان می‌سپاریم؛و با قدرت به مسیرمان ادامه می‌دهیم.

خدمات ما شامل چاپ کتاب‌های شعر، داستان، رمان، دلنوشته، کتاب کودک، ترجمه و تبدیل پایان‌نامه به کتاب است. شما هم اگر رویایی در سر دارید، با ما در تماس باشید:

09191570936
09393353009

انتشارات حوزه مشق؛ جایی برای رویش، قلم و جاودانگی.

https://hozeyemashgh.ir