دلی قیز:

بیر شَهَر بیلدی بیزیم سئوگیمیزی…
منه ایستکلی خانیم سان دلی قیز
سن سارای سان ائلیمین سئللرینه
سن چاغیرسان دئیه رم جان دلی قیز

سنی پای وئردی منه تانری اؤزو
سنی کؤکسومده اومود بسله میشم
سنی سوررام، تاپام آنجاق ایزی نی
سنی یوللاردا دوروب سسله میشم

گؤزومو یونماییرام هی اویاقام
قاپی میز هر آن آچیقدیر گله سن
باشینی چیگنیمه قویموش اوتوروب
یوخلاییب خسته گولوم دینجله سن

گؤزلریمدن بیر اووج یاشدی یاغیر
بولودون دا گیجییی گؤیده گلیر
یاغیرام یوللاری توزدان یویورام
سو دئییل، گؤزیاشی دیر کی اَله نیر

بوندان آرتیق دئمه یه یوخدو سؤزوم
یا اؤزون گل، یادا سؤز یاز گؤندر
قویما«رضوان» سارالیب سن سیز اولا
غم چکن سینه سینه ناز گؤندر

رضابزرگ«رضوان»

❤️❤️

روابط عمومی انتشارات بین المللی حوزه مشق

https://ketabbaz.hozeyemashgh.ir

   چاپ انواع کتاب: شعر،داستان،دلنوشته،رمان،زندگینامه،سفرنامه،نمايشنامه،فیلمنامه، تبدیل جزوات اساتید،مربیان، معلمان و دانشجویان به کتاب تبدیل پایان نامه کارشناسی ارشد به کتاب  تبدیل رساله دکتری به کتاب  مشاوره، نگارش و تدوین پایان نامه و رساله در رشته های علوم انسانی و اسلامی استخراج مقاله از پایان نامه و اکسپت مقاله  انجام طراحی جلد و صفحه آرایی در بالاترین کیفیت  ویراستاری حرفه ای کتاب   همین الان به کارشناسان حوزه مشق پیام بدهید.   ۰۹۱۹۱۵۷۰۹۳۶  ۰۹۳۹۳۳۵۳۰۰۹